ЗÆРДÆЙЫ ТУГТÆ КАЛЫН

тж. ЗÆРДÆЙЫ ТУГТÆ ТÆДЗЫНЦ

Тынг мæт кæнын, джитæнтæ кæнын, истæуыл тынг риссын.

Ханиффæ: Мæ хæдзар хæлгæ кæны, мæ дуне – талынг, мæ зæрдæйы тугтæ кæлынц. (Брытъиаты Е. Хазби.)

Кæсы сæм Къоста (мæгуыр адæммæ), йæ зæрдæйы тугтæ тæдзынц сæ цæсты къуырфытæй... Æнæныфс цæстытæ кæсынц. (Нафи, Ирыстоны сагъæстæ.)

Фехъуыста уыцы хабæрттæ Уази, æмæ йæ зæрдæйы тугтæ ныккалдысты, – бауырныдта йæ, кæй ницыуал гæнæн ис, уый, тыхджын у уырысы 'фсад. (Богазты У. Уæ нæ хæхтæ, нæ бæстæ...)

Дуар бакодта. Цырагъ ссыгъта æмæ сывæллæты хъæццул хаудæй куы ауыдта, уæд йæ зæрдæйы тугтæ ныттагъдысты. (Елбачиты Г. Дыууæ идæдзы.)

Нæ зæрдæйы-иу тугтæ тагъдысты, уыцы нывтæ уынгæйæ. Нæ ныфс-иу саст. Загътам-иу, ам ницыуал сырæздзæнис. (Х. 1994, 8.)